కొండగట్టులో భారీ అగ్నిప్రమాదం.. కండ్ల ముందే షాపులన్నీ దగ్ధం

జగిత్యాల జిల్లా కొండగట్టు అంజన్న సన్నిధిలో శనివారం అర్ధరాత్రి ఘోర అగ్ని ప్రమాదం జరిగింది.

kondagattu

కొండగట్టులో భారీ అగ్ని ప్రమాదం

వరుసపెట్టి 10 బొమ్మల షాపులు దగ్ధం

జీవనోపాధి కోల్పోయిన కుటుంబాలు

బోరున విలపిస్తున్న బాధితులు

మల్యాల, నవంబర్ 29 (ఈవార్తలు): జగిత్యాల జిల్లా కొండగట్టు అంజన్న సన్నిధిలో శనివారం అర్ధరాత్రి ఘోర అగ్ని ప్రమాదం జరిగింది. దిగువ కొండగట్టులోని జగిత్యాల-కరీంనగర్ హైవే పక్కన హెచ్‌డీఎఫ్‌సీ బ్యాంకు ఎదురుగా ఉన్న సందులోని బొమ్మల షాపులన్నీ కాలిపోయినట్లు సమాచారం. ఈ ప్రమాదంలో దాదాపు 10 షాపులు ఉన్నట్లు తెలుస్తోంది. షార్ట్ సర్క్యూట్ కావడంతో ఈ భారీ ప్రమాదం చోటుచేసుకున్నట్లు స్థానికులు తెలిపారు. బొమ్మలన్నీ ప్లాస్టిక్ వస్తువులు, వెదురు బొంగుల పందిళ్లు కావడంతో మంటలు వేగంగా వ్యాపించినట్లు వెల్లడించారు. అందిన సమాచారం మేరకు ఎలాంటి ప్రాణ నష్టం జరగలేదు. ఒక్కసారిగా మంటలు ఉవ్వెత్తున ఎగిసిపడటంతో స్థానికులు భయాందోళనలతో బయటకు పరుగులు తీశారు. అయితే, జీవనోపాధి కోల్పోవడంతో బాధిత కుటుంబాలు బోరున విలపిస్తున్నాయి. కడుపు నింపే దుకాణం కండ్ల ముందే కాలిపోతోందని కన్నీరుమున్నీరయ్యారు. పూర్తి వివరాలు తెలియాల్సి ఉంది.


గ్రిడ్ కుప్పకూలితే.. రోజూ 2000 కోట్ల నష్టం
పిన్‌కోడ్‌కు గుడ్‌బై చెప్పండి.. భారత్‌లో కొత్తగా డిజి పిన్

వెబ్ స్టోరీస్