Pushpa 2 Peelings Song | డిసెంబర్ 5న ప్రేక్షకుల ముందుకు రానున్న పుష్ప 2 సినిమా విడుదలకు ముందే రికార్డులు సృష్టిస్తోంది. తాజాగా విడుదలైన పీలింగ్స్ లిరికల్ సాంగ్ నెట్టింట్లో హల్‌చల్ చేస్తోంది. అల్లు అర్జున్, రష్మిక మందన్నా చేసిన డ్యాన్స్ ఉర్రూతలూగిస్తోంది. ఈ సాంగ్‌లో ప్రతీ షాట్‌లో బన్నీ, రష్మిక పోటాపోటీగా డ్యాన్స్ చేశారు. ఈ సాంగ్ చూస్తున్నంతసేపు వింటేజ్ అల్లు అర్జున్‌ను చూస్తున్నట్లే అనిపించిందంటే ఏ రేంజ్‌లో బన్నీ డ్యాన్స్ ఇరగదీసాడో అర్థం అవుతుంది. డ్యాన్స్‌లో తాను ఎందుకు స్పెషలో మరోసారి నిరూపించాడు. రేసుగుర్రం సినిమాలో బన్నీతో పోటీగా శ్రుతిహాసన్ డ్యాన్స్ చేయగా.. ఆ తర్వాత పుష్ప 2 సినిమాలో రష్మిక చాలా కష్టపడిందనే చెప్పాలి. ప్రస్తుతం ఈ పాట నెట్టింట్లో హల్‌చల్ చేస్తోంది. ఈ పాటకు చంద్రబోస్ లిరిక్స్ అందించాడు.

సుకుమార్ దర్శకత్వం వహించిన పుష్ప 2 ది రూల్ ఈ నెల 5న థియేటర్లలో విడుదల కానుంది. ఇప్పటికే విడుదలైన కిస్సిక్ సాంగ్ యూట్యూబ్‌లో రికార్డులు సృష్టించింది. ఆ సాంగ్‌లోనూ బన్నీతో పోటాపోటీగా శ్రీలీల అద్భుతంగా డ్యాన్స్ చేసింది. తన అందాలను ప్రదర్శిస్తూనే బన్నీతో స్టెప్పులను కలిపింది. డీఎస్పీ సంగీత దర్శకుడిగా మరోసారి తన మార్క్ చూపించాడు.