బుట్టబొమ్మ పూజాహెగ్డే కొంత కాలంగా సినిమాలు లేక ఇబ్బందులు పడుతోంది. అయితే, సినిమాలు లేకపోయినా తనకు స్పెషల్ సాంగ్స్ ఉన్నాయంటూ దూసుకెళ్తోంది. ‘కూలీ’ సినిమాలో ‘మౌనిక’ సాంగ్ విజయంతో పూజా మరోసారి హాట్ టాపిక్‌గా మారింది. ఆమె డాన్స్‌, లుక్స్‌, గ్లామర్ ఆ పాటను దక్షిణాది వ్యాప్తంగా వైరల్ చేశాయి. ఈ సాంగ్ హిట్ తర్వాత పూజాకు స్పెషల్ సాంగ్ ఆఫర్లు వరుసగా వస్తున్నాయి. ఇండస్ట్రీ టాక్ ప్రకారం, అల్లు అర్జున్- అట్లీ కాంబినేషన్‌లో రూపొందుతున్న భారీ ప్రాజెక్ట్‌లోని ప్రత్యేక గీతం కోసం పూజా హెగ్డేను ఫైనల్ చేసినట్లు సమాచారం. ఈ సాంగ్ కోసం ఆమెకు రూ.5 కోట్లు పారితోషికం ఆఫర్ చేసినట్లు టాలీవుడ్ సర్కిల్స్‌లో గుసగుసలు వినిపిస్తున్నాయి. ఒక ఐటం సాంగ్‌కు ఇది భారీ రెమ్యునరేషన్. దీంతో సినిమాల కంటే ఈ బ్యూటీ స్పెషల్ సాంగ్‌లపైనే దృష్టి పెడుతోంది.