ఏజెంట్ సాయి శ్రీనివాస ఆత్రేయ‌, జాతి ర‌త్నాలు, మిస్ శెట్టి మిస్ట‌ర్ పోలిశెట్టి మూవీస్ తో బ్యాక్ టు బ్యాక్ హ్యాట్రిక్ బ్లాక్ బ‌స్ట‌ర్లు అందుకున్నాడు టాలీవుడ్ యంగ్ సెన్సేష‌న్ న‌వీన్ పోలిశెట్టి. ప్ర‌స్తుతం మీనాక్షి చౌద‌రి హీరోయిన్‌గా తాను ఓ మూవీ చేస్తున్నాడు. అన‌గ‌న‌గా ఒక రాజు అనే టైటిల్ తో తెర‌కెక్కుతున్న ఈ సినిమా 2026 సంక్రాంతి కానుక‌గా ప్రేక్ష‌కుల ముందుకు రానుంది. ఈ సినిమాతో మారి అనే కొత్త డైరెక్ట‌ర్ ఇండ‌స్ట్రీకి ప‌రిచ‌యం కానుండ‌గా, సితార ఎంట‌ర్టైన్మెంట్స్ ఈ సినిమాను ఎంతో ప్ర‌తిష్టాత్మ‌కంగా నిర్మిస్తోంది. ఈ మూవీ ఎప్పుడో రిలీజ‌వాల్సింది కానీ మ‌ధ్య‌లో న‌వీన్ కు యాక్సిడెంట్ అవ‌డంతో సినిమా షూటింగ్ లేట‌వ‌డంతో మూవీ వాయిదా ప‌డి పండ‌క్కి షెడ్యూలైంది. ఇప్పుడీ సినిమా షూటింగ్ దాదాపు పూర్తయినట్లు తెలుస్తోంది. మేక‌ర్స్ ప్ర‌స్తుతం ఓ సాంగ్ ను షూట్ చేస్తున్నార‌ని, ఇది కాకుండా మ‌రో సాంగ్ షూట్ పెండింగ్ ఉంద‌ని, ఆ సాంగ్ తో సినిమా మొత్తం షూటింగ్ పూర్త‌వుతుంద‌ని సమాచారం.